ياللي تطالع وكنك ما تطالعني
نضرتك هتذي حبيبي لا تكررها
صحيح شاطر ولا كن صعب تخدعني
انا على الطاير افهمها واطيرها
انا مزاجي واطيع الي يطاوعني
ان كان لي خلق امررها امررها
لا مااتبع النفس لين النفس تتبعني
النفس محد قدرها بس انا اقدرها
اسمع كلامي اذا ودك تولعني
سعادتي خلها همك ودورها
ابي انصحك قوم خل عنادك وطعني
تعال نطوي الليالي ونتذكرها
وسمعني اللي كتبته فيك سمعني
والكلمه الي تشكل معك غيرها
بلسانك الشعر لو تكسر يمتعني
كسر يا بخت البيوت الي تكسرها
___________________________________
ما بين بعينك على كثر ما جاك
لا واحسافه ليتني ما عطيتك
تخطي واعذرك واتحمل خطاياك
هويت غلطاتك كثر ما هويتك
ضحيت بالدنيا على شان دنياك
وخليت كل اللي يبيني وجيتك
كنت في عيوني وين ما اطالع القاك
حتى لو غمضت عيني لقيتك
من كثر ما احبك واقدرك واهواك
ما اذكر اني في حياتي عصيتك
ولا فاد كل الي اسويه وياك
اتعبت قلبي ليتك تحس ليتك
واللحين روح ارجوك ساعدني انساك
ولا تجي حتى لو اني بغيتك
وان مر في بالي بقايا ذكراك
بحاول انساها مثل ما نسيتك
________________________________
جاي يطيب خاطري في كلمتين
يحسب ان رضاي مضمون وسهل
عذره الي رجعه شوق وحينين
يحسب ان رضاي بشويت غزل
ما داري اني حالف وحالف يمين
ما ارد في كلمتي مهما عمل
ما يلين القلب والله ما يلين
وان زعل يزعل ويعني لو زعل
________________________________
عيني تبي هاذا وقلبي يبي ذاك
واحترت انا ما بين قلبي وعيني
قلبي يقول ابقى مع من تمناك
ابيه تكفى دام قلبه يبيني
________________________________
يا طبيب القلوب ان كان تعرف مرضهن
هن يداون جروح الوقت او ما يداون
الغريبه جروحي ما يدانن بعضهن
بس من طول مدتهن في قلبي تخاون
حسبي الله على الي وسط قلبي فرضهن
لين خلى اليالي في عيوني تساون
كل ما اونستهن قمت اشتكي واعرضهن
مير ذا الوقت في الشدات ما احد يعاون
شفت ردن عزومي مير ما احد نهضهن
كل من رحت يمه قال ما ينتداون
يا طبيب القلوب ارجوك شف وش غرضهن
قوم انا وانت تكفى يا طبيب نتعاون
اكثر الناس قالو كلمتين احفضهن
ما يطيب المرض دام المريض يتهاون
________________________________
يالي غلطت مسامحك *** بجيك انا واصالحك
غصبن علي ابي اعتذر *** غصب علي اسامحك
من كثر ما احبك وابيك *** وانت معاي اوله عليك
واعذرك لو مالك عذر *** من كثر ما احبك وابيك
ازعل ليامنك زعلت***وارضى ليامنك رضيت
واتحملك مهما عملت*** اعطي ولا مره خذيت
غلاك من قده غلاك*** تكبر وهو يكبر معاك
وياك بالصح والغلط *** شف وين وداني غلاك
________________________________
من قال انا ميت عليك *** اصلا انا ما عاد ابيك
تبغاني خاتم باصبعك *** يا شيخ ذا بدري عليك
لا تخلط اوراق الهوى *** كلن ترى له مستوى
وكانك على غيري قدرت*** اصابعك ما هي سوى
احم ......مهفوف